【投資理財】全球股市都到關鍵位 by Joe

 

筆者今年成績做得不好，要認。做得唔好有幾點：

 

1. 太慢由高風險股票轉做指數ETF。

2. 無堅持自己的信念 — 今年科技股係無得玩。

3. 再可以講係無做返以前成日做的淡倉配置。

 

本身諗通脹都係一般料子，但俄烏戰爭同封城搞得太耐，影響左好多本身的條件，令到件事惡化得超我想像。但事到如今都無計，保留實力再黎過，黎緊都只會做有限風險的事，SP做幾遠都有機會中，唔抵玩。少注Long put預輸晒都可以，沽空就好難，要高位無力先好做，宜家走去沽空好易畀人夾。

 

 

GOOGL出左業績，麻麻地，之前放過下風話收入數據差D，同埋俄羅斯那邊我估都會有影響。技術分析就下破左$2500就無運行。平均線空頭排列。

 

等下吧，宜家靚仔股真係唔太多，之前無事的資源股都回左好多，係得ARCH哩類好點。宜家資源類又想吹風話連需求都下降埋，所以會回吐之類，聯儲想點就點啦，我無意見。